Дявила хасси балбуц бехIбихьес гьалав Ш.Шихшабековли Приморский крайла урхьула гьавала флотлизиб (авиация) 10 дус къуллукъбирули калунси сай. Шихшабек Шихшабеков Хайдакьла районна Баршамайла шилизивадси сай.
2022 ибил дусла май базличив дявилизиб къуллукъбарес багьандан сай гIяхIъулали Россияла оборонала Министерстволичил вягIда бигьи, Украинала мер-мусаличи дявила хасси балбуцлизир бутIакьяндеш дарес арякьунсири. Илини Луганскла областьла Лисичанка шагьар азадбалтахънилизир бутIакьяндеш дариб. Донецкла областьла Угледарлизиб «Шторм» бикIуси ротализибти сунела бархкьябачил варх дявиласи хъарбаркь таманбирухIели, лишанчи минабала тупала цIалиу викиб ва вяхъиб. Ш.Шихшабеков сагъвиэс багьандан ВатIайзи чарухъун ва арадеш ункъбиубхIели, СВО-лизи чариубли арякьун.
2023 ибил дусла дуцIрумлизир Шишабекла рота душма хIярхIубау бикиб. Юлдашуни цIализибад берцахънилис ил «Гъабзадеш багьандан» медальличил шабагъатлаварибсири. Дявила бутIакьянчила гъай хIясибли, сунела бархкьябани чула мерани дуцили, сархибдешличил бургъули саби ва уркIи-уркIилабад бирхули саби Чедибдеш нушала бирниличи.
«Бархьагардешличи ва зулмуличи къаршили бургъес дигути лебли биалли, нушачил бархбикес бирар ва нушала узбачил дарх душмайчи къаршили дургъехIе. Нуша гIердуцнилис баркалла балахъехIе», — буриб илини.

ДР-ла бузерила ва социальный бяхIчибизлашал гьалабяхI башнила шайчибси Министерствола
пресс-служба