Сергокъалала районна администрациялизиб районна бекI Арсен МяхIяммадовли баягъи районнизивадси, Москвала пачалихъла халкьани-ургарти бархбасуни руркъуси институт хIунтIена дипломличил хъараахъурси ХIяжимурад ГIябдуллаевличил ихтилат дураберкIиб.
ХIяжимурадли районна бекIлизи челябкьлализир дурадеркIес пикрибарибтачила, илди детерхахъес дирути къайгъначила буриб. Илкьяйдали илини пачалихъла машгьурси вузлизир касибти багьудлуми районна гIяхIдешлис пайдаладарес дигниличила аргъахъиб.
Районна бекI Арсен МяхIяммадовли ХIяжимурад ГIябдуллаевлис, илала багьудлуми ва къайгъни кьиматладарили, районна администрацияла шайзибад Баркалала кагъар бедиб.

Сергокъалала районна багьахънибала центр