Ахъушала шилизибти Мя­­хIям­мадов ДаудхIяжи Бя­­­­­хIян­дгIялиевичла ва Мя­хIям­­мадова Хади­жат Абака­ров­нала хъалибаргли халкь-ур­­­­габ  хIур­­мат сар­­хили саби. МалхIямти, ур­­­кIи-хIял гIяхI­ти, халкьли­чил бархбалгунти ДаудхIяжи ва Хади­жат хъайчикабиибхIейчирад 50 дус дикили сари. ДаудхIяжи Мя­хIям­ма­­дов чу­мал жавабла къуллукъ­ли­чив узули калун: Мя­­­х­Iячкъала ша­­­гьар­­лизибси М.ХIяжиевла ули­­­­чил­­си заводлизив инженерли, Ахъу­­­­­­ша­ла урга даражала кIи­ибил школала директорли. Гьанна ил Ахъу­­­­­­­­­ша­ла урга даражала цаибил школа­ли­­­­­зив математикала ва физи­ка­ла дурсри кадирхьули узули сай. Ила­­­ла школализибси бузерила стаж 40 ­дусл­и­чи­­бадра бухъи саби. Хала­си бугьу­ди­ла вегI, дурхI­на­чи дигичевси, бу­чIан­­та­зир пред­­метуначи диги адикьес,  ба­­гьу­­ди имцIабиахъес, предмет аргъа­хъес къайгъилизив узуси педагог сай ил. Су­не­­­чил барх бузути учительтала, дурхIнала ва илдала бегI­тала халаси хIурмат сар­хи­ли, бар­­­кал­­лаличи лайикьвикили сай Да­уд­хIя­жи.
Дахъал дусмазив школализив узули, халаси бузерила пай кабихьнилис ил Россияла Федерацияла Багьудлуми тIинтIдирнила шайчибси Министерстволи Баркаллала кагъарличил ва ХIурматла Грамоталичил шабагъатлавариб, «РФ-ла багьудила кьялилизивси хIурматла хIянчизар» ибси уличира лайикьвикили сай.
ДаудхIяжила гIямрула рархкья Хади­жат МяхIяммадовани дахъал дусма­зиб вачуртазиб, тукентазиб хIянчи бариб. Ил­­дани хIябал  урши-рурси абикьур, гIяхI­­си бяркъра бедили, чебяхIси да­ра­жала багьудира касахъили, гIям­ру­ла дякь­­личи дураиб. Урши Шамил – Мя­хIяч­­къалализибси кIиибил больницали­зив хирургли узули сай. Рурси Зубалжат – Ахъушала шилизибси Социальный фондлизир (муштарибала кабизла (клиентс­­кая служба) бекIлириубси специа­листли рузули сари, кIиэсил рурси Па­тIи­мат МяхIячкъалализибси соц.обслужи­ва­­ниела Центрла директорли рузули сари.  ХIябалра урши-рурси чула бегIти кьяй­­дали жавабкардешличил, чебетаахъили чучи хъарси хIянчи бетурхахъули бузули саби. Хадижат Абакаровнала ва ДаудхIяжи БяхIяндгIялиевичла дурхI­­начибад акIубти гехIел урши-рур­си леб ва ца — илдачирад акIубси риш­тIа­си­ра. Гьанна илди абикьахъес, илдас гIяхI­си бяркъ бедесра кумекбирули саби.
Бузерилизир сархибдешуни имцIа­дикIули, дурхIнани ва илдачибад акIуб­тани разидирули гIямру деркIабая!

С.ГIябдуллаева