ХIянчи ахтардидариб

ДР-ла Халкьла Собраниела депутат Мухтар ХалалмяхIяммадовли Лавашала районнизи бузерила архIя дураберкIиб. Илала дазурбазив депутат районна администрацияла бекI Шамил Дабишевличил варх Лавашала 2-ибил ва Хъарлябхъула СОШ-лизи ваиб.
АрхIяла бекIлибиубсигъуна мурадли бетаур – «Модернизация школьных систем образования» бикIуси проектла дазурбазир детурхути хIянчи ахтардидарни.
Федерацияла программа хIясибли, арагIерли сагадирути шел багьудила учреждениелизи чедир гьандушибти кIелра школара кадерхи сари.
Объектуначиб илди хIянчила башриличил ва подрядчикунала кьукьяличил тянишбиуб. Подрядчикунала вакилличил ихтилатбарибси районна бекIли, кадизахъурти бурхIни хIясибли хIянчи тамандарес хIяжатли биъниличилара гьанбушиб.
2022 ибил дуслизир багьудила учреждениеби сагадирнила шайчибси федерацияла программала дазурбазир республикализир 40 муниципалитетлизирти 210 школа сагадарили дирар