Дахадаевла районна лерилра школабазиб, бархIиличи-бархIи дявила хIядурдеш чеахъбикIахъули, ОБЖ-ла учительти бузули саби. Илдани хъумуртули ахIен теорияличицун хъарахъили гIямалхIебирниличила: гьаман дурадуркIули бирар практика марбирути занятиеби: дуцIбикIни, гIярмицла ганзли башни, ярагъ руркъни, илдазибад иртни, противогазуни ва цархIилти мяхIкамдешлис дузахъути гIягIниахълуми дузахъни.
Уркухъла дахъал шалубарси гимназияла спортзаллизир дявила хIядурдешла абзани детерхур. Илар урчIемал школала командабани бутIакьяндеш дариб. Лебилра кьаслизибри чула багьудлуми чедаахъес. Дигеслири школала гIямрула уршби ургъанна палтарличиб дурабухъни, тяп гIярмиялизибван кагибси ганзличил башни, командаби гIячихъли ва дархьли тамандирни, хIятта дявила далуйти дархли дучIни. Цуг-цугли дурхIнас физкультурала шайчибси хIядурдешра чебаахъес гIягIнилири: турникличир уюнти дирни, дуцIбулхъни ва тIяхIбулхъни.
Лерилра командабазиб хаслира декIарбухъун КIишала школала уршби, сабира военрук МяхIяммадхIяжи МяхIяммадовли бяркъличи бикахъибти. ДекIар-декIарти жаланазиб, буралли, турникла – ГулбяхIяммад ХIяжиатаев, тIяхIбулхънила –Абубакар МяхIяммадов, чедибдеш сархибтили бетаур. Гъайла къантIа, КIишала школала команда 1-ибил мерличи, Уркухъла гимназияла команда 2-ибил мерличи, Уркухъла лицейла ва Меусишала школала командаби 3-ибил мерличи лайикьдикиб.
ВатIайс къуллукъбарес хIядурли
- Автор И.Ибрагьимов Суратуни — МяхIяммадхIяжи МяхIяммадовла
- 14 марта, 2023. Вторник 11:01
- ||||
Улкала гражданинти ВатIан батахъес мурталра хIядурли биэс чебиркур. Ил чеблара Конституцияла тIалабра саби. Ил багьандан уршби, гIярмиялизи жибарайчи, школализиб лебай, дявила устадеш касили, хIядурли биэс гIягIнибиркур.
Фотографии с маркировкой
