Дагъистан Республикала БекI Сергей Меликов, Москвализи дураберкIибси бузерила архIяла дазурбазив, РФ-ла Федерацияла Советла спикер Валентина Матвиенкочил гьуниваиб.
Илдани Дагъистан социальный бяхIчибизлизиб-экономикализиб гьалабяхI башахънила, Россияла сагати мер-мусала адамтас кумек бурхьнила ва СВО-лизир бутIакьяндеш дирути гIеббурцнила масъулти пикридариб.
В.Матвиенкони республикала агропромышленный комплексла сархибдешуни чихъли кьиматладариб ва секIал хIядурбируси промышленность жигарчебли гьалабяхI башахъес гIягIнили биъниличила багьахъур.
«Жагьилтани чIумали къаршидеш дирули сари, замана-замана нушани ила парламентла вакилти ва районтала бурги бурхьулра, амма илдас сеналра бекIмаххIебухъесли. Лерилра секIал дявила руководстволичил пикридирути сари. СВО-ла бутIакьянчиби ва авалра областьла адамти гIеббурцнила шайчибра хIянчи дурабуркIулра. Тамашаласи саби, илдас дурхIнала кагъурти дебали дигестили детаъни», — буриб С.Меликовли.
