Ахъушала районна бекI МяхIяч ГIяб­дул­­­каримов дявила сам­бола шай­чивси дунъяла чем­пион СягIид СягIидов­личил гьу­­ниваиб.

СягIид СягIидовли Бишкеклизиб (Киргизия) ноябрьла 11-13-ибти бурхIназиб бетерхурси дунъяла чемпионатличиб цаибси мер сархибсири. Ил илкьяйдали 88 килограммла битIакI хIясибли Рос­сияла ва Европала чемпионра сай.
М.ГIябдулкаримовли Ахъушала районна администрацияла шайзибад СягIидлис бар­калла багьахъур ва савгъат бедиб.
«ХIурматла СягIид! Мубараквирулри дунъяла, Европала ва Россияла чемпионатличиб чедибдеш сархниличил. Челябкьлализирра район ва Дагъистан чебяхIбарести сар­хибдешуни дулгулра. ХIела гьунарти нушала жагьилтас гIибратли детарули сари», – викIи ил.
Ил гьунибаъниличив левси Нахкила шила бекI М.МяхIям­мадовли СягIидлис шантала шайзирадра савгъатуни дедиб.
«Ахъушала район» МО-ла ­багьахънибала политикала ­шайчибси управление