Украинализир кадиркути дявила анцIбукьунала бутIакьянчи Загьир Мяччиев ишди бурхIназив Уркухъла тарихла-краеведческий музейлизи вякьун. Загьир Мяччиев Дибгаликла шилизивадси сай. Илини Росгвардиялизиб къуллукъбирули саби.

Музейла хIянчизартачил ил ихтилатикIули, илини сунечил барх бургъули калунти юлдашуначила, халкьла гьалар бургъантани дихути жавабкардешличила баянти гьаладихьиб.
Цалабикибтани аргъиб игитуни чула мякьлаб биъниличила ва гъабзадеш, ВатIайчи диги гьарли-марти багьадуртала сарниличила. Загьир ХIусеновичли музейлизирти гьарил секIал хIясибдариб.
Музейла директор Исматуллагь Разакьовли ургъанна хIурматбирули, Дахадаевла районна тарихличила ва культураличила цалабяхъибси жуз илис савгъатбариб.