Дагъистанна премьер-министр ГI.ГIябдулмуслимовли школализиб бучIути дурхIни буцIарси беркайчил бахнила шайчибси хIеруди цIакьбарахъес хъарбариб. Иличила балахъули саби республикала Правительствола пресс-службали.

ХIера, илдигъунти дугь­бачил «За­ма­на» газетала редак­ция­лизи ацIиб ДР-ла Халкьла Собраниела депутат ва миллатла поли­тикала, жа­ми­гIятлара диннара ца­ла­­бя­хъу­нала масъултала, пар­ла­ментуни-ургарти барх­ба­су­нала шайчибси Комитетла член Шамил ХIясбуллаевич ГIямаров. Гьайгьайрагу, гъай «Газета – гьарилла хъули!» бикIуси балбуцличила сари.

Ишди бурхIназир МяхIярамкентла районна Бутказмаляр шилизир ММА-ла шайчир абзани дурадеркIибтири. Илар бутIакьяндеш дариб Дахадаевла районнизибадти тренер МяхIяммад Кьурбановли руркъути ХIясан ХIянациевли, Рабазан Ибрагьимовли ва Рабазан Юсуповли. Илди хIябалра багьадур турнирличиб чемпионтира бетаур. МяхIяммадхIяжи ХIясайниевли жарма сархиб.

Дагъистан Республикала БекI Сергей Меликов, Москвализи дураберкIибси бузерила архIяла дазурбазив, РФ-ла Федерацияла Советла спикер Вален­тина Матвиенкочил гьуниваиб.

Дагъистанна БекI С.Меликовла хIукму хIясибли, дахъал дус­мазиб культурализиб ба­риб­си хIянчилис, Хайдакьла районна библиотекала хIян­чизар Марият МяхIям­ма­довас «ДР-ла хIурматла хIянчизар» ибси у бедиб.

Дагъистаннизиб арадешла аги-хIял вай­тIабикибтала лугIи бархIиличи-бархIи имцIабикIули саби, амма зягIиптас чулицун белгибарес къиянни саби сегъуна изайзи бикилил: грипплизи, COVID-19 бикIуси коронавирусла чейхъуси изайзи яра тяхIувяхънила изайзи (ОРВИ). Якьинни багьес багьандан, тухтурличи дугьаизес чебиркур.

Дагъистаннизи бу­­зерила ар­хIя дураберкIибхIели, СКФО-ли­зивси РФ-ла Пре­зи­дент­­ла­ АрагIерти их­тиюр­та­чил­си вакил Юрий Чай­­кани Къаякентла районна Пер­во­майское шилизибадси ба­хъал дурхIнала бегI Кьурбановхъала хъалибаргличил гьу­ни­баъни дураберкIиб.