f ok v in t y        Версия для слабовидящих

ЖамигIятлис кьадриласи

МяхIячкъала­ли­зи­б,­ декабрьла 19-ли­чиб дин ва­ багьудлуми тIинтI­би­ру­си­ газета «Нур-уль-Ислам» 20 дус биънила балбуц бе­тер­­хур. Газетала юби­лей­лис ба­гъиш­лабарибси бал­буц­ли­зиб­ бутIакьяндеш да­риб ДР-ла­ Муфтийла цаибил за­мес­ти­тель ГI.Аджимоллаевли, га­зе­­тала бекI редактор М.ХIя­жиев­ли, ДР-ла адаб-хIяяла, азад­дешла ва динна ор­га­­ни­зациябачил барх буз­нила Ко­митетла заманалис къул­­лу­къуни дузахъуси пред­се­да­тельла заместитель Х.Хар­би­лов­ли, динна гIялимти Х.Абу­­ба­каровли, М.Саадуевли, рес­­публикала жамигIятла, дин­на ва гIилмула вакилтани.

22 дек 2017 0 комментарий   Наида Гъуруева

Илкьяйдали «Нур-уль-Ислам» юбилейличил мубаракбарес бакIиб перола гьалма­гъуни: кIарахъан мезличил дурабулхъуси «Ас-салам» газетала редактор ГI.МяхIяммадов, журналистунала Союзла председатель ГI.Камалов, «Новое дело» газетала бекI редактор ХI.Саитов, «Черновик» газета акIа­хъубси М.-М.Камалов, «Ис­лам­ский вестник» газетала бекI редактор М.ХIямзатов ва цар­хIилти.
Балбуцличиб гъайбухъунтани газетали динна, багьудила ва адаб-хIяяла шайчиб бируси халаси хIянчиличила ва республикала жамигIятлис бихуси кьадри-кьиматличила аргъахъиб.
БутIакьянчибани илкьяйдали газета алкIуси манзилличила, цаибти макьалабачила ва илаб бегI гьалаб бузути журналистуначила буриб.
ГI.Аджимоллаевли газетала коллектив ва редактор М.ХIя­жиев илгъуна байрамличил му­баракбариб. «Цаибил яргалис нушаб халаси баркалла багьа­хъурл­и шукру барес чебиркур ЧевяхIси Аллагьлис, нушаб ахъри гили пергер «Нур-уль-Ислам» 20 дус биънила балбуц дурабуркIнилис, суненира ил­ди дусмазир бархьси исламла кьанунти тIинтIдирули бузуси. ИшбархIи, бучIути адамти камси замана, иш газетали шаласи нур кьяйда адамтачи хIекьси дин аргъесли биахъули саби», — ви­кIи ил.
Балбуцличир нашидуни урус мезличил, кIарахъала ва цархIилти мил­латунала ме­за­на­чил зайдухъахъун Дагъиста бу­рибти гIяртистуни Г.Гам­за­ла­ев­ли, Х.Хира­мя­хIям­мадовли ва «Нашид-уль-Ислам» кьукья­ли. Мажлисла ахирличиб Че­вяхI­силичи балгаличил дуг­ьайзур динна гIялим Х.Абу­ба­каров.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru