f ok v in t y

Мурталра пикрила дайлаб биахъес

Итни бархIи, октябрьла 23-личиб, ДР-ла промышленностьла Ми­нис­терствола сипта хIясибли, рес­­публикала СМИ-бала вакилтас гачла къаркъа ва гIенби дируси «Ма­раби» бикIуси сагаси заводлизи букьес им­кан­бакIиб. Завод мерлабиубли саби Къум­­тор­къалала районна Тюбе поселок­ли­зиб. 

27 окт 2017 0 комментарий   ГIябдуряхIман ИсмягIилов

Гьаланачи нушази предприятиела бузери бетурхути мер-муса чедаахъиб. Гьунирдалтулри ва бузерила аги-хIяйчила балахъулри гьавкьяси технолог Фредерико Джорджиони ва предприятиела бекIливиубси экономист ХIямид ТIагьировли.
Ф.Джорджиола гъай хIясибли, мягIни­чеб­си саби гIянжила ахъси даража биахъни.
«Ахъси даражала гIянжи нушани исулра Украинализир, шпат биалли – Турциялизиб. Иранна шпатра вайси ахIен, амма Турцияла гIяхIси саби», — викIи ил.
Заводли халаси пикри бяхIчииули саби дурайуси продукцияла даражаличи. Ил дила хIулбани чебаира, предприятиела бузериличил тянишвирухIели. Гьар секIал хIянчизартани чебетаахъили бирулри.
ХIядурти масани дирцули сари декIар-декIарти пачалихъуназир: Азербайджаннизир, Армениялизир, Кир­­гизиялизир ва Казахстаннизир.
ГIурра «Мараби» заводла лер декIар-декIарти пачалихъуназир вакилдеш дирути организациябира. Завод бузули саби ца дус. Амма ил камси заманала духIнар илис имканбакIиб дахъал хIянчи дарес, гьайгьайрагу, гьаннала гIергъира дирути камли ахIен.
Дураибти масани ита-иша гечдирути машинаби агара заводла. Сен биалра ил шайчирти къуллукъни чекайсули сари транспортла компаниябани ва РЖД-бани.
Халаси замана агарли заводлизир декIар-декIарти бухъяндешунала гIенби дирнила хIяракатра бузесаэс дигули саби. БусягIят илар дирули лер 40-ли 40-йчи сантиметрла жура хIясибти гIенби.
«Нушала леб 6 азир кв. метрла керамассала кьадар, ва дурабухъунхIели, бетарар 5,45 азир кв. метрла масанала кьадар. Нушала лер 40-ли журала гIенби. ТIалабкардеш хIясибли дирути сари чула жураби. Сунела цахIнабси мас бирцнила багьа абикили саби 500 къурушличи ца квадратлис. БиштIаси кьадарлизиб бирцуси масла багьа 600-650 къуруш саби. ИмцIаливан нушала масани исути сари «Айвазов» ООО-ли» — багьахъур ХI.ТIагьировли.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru