f ok v in t y

ВатIа гьалабси чебла ахъахъес гьуниббалтули

Ишди бурхIназиб Хайдакьла ва Да­хадаевла район­­­та­ла шайчибси ДР-ла дя­вила комиссариатла юрт­ли­зиб жагьил уршби Рос­сияла Федерацияла Ярагъ­ла­дариб­­ти ЦIакьанала къяянази бурхьнила балбуц бетерхур.

27 окт 2017 0 комментарий   Хайдакьла районна администрацияла пресс-служба

Илизир бутIакьяндеш дариб Хайдакьла ва Дахадаевла районтала шайчибси ДР-ла дявила комиссар ГIумар СягIидовли, дергъла ва бузерила ветерантала Советла председатель Зияутдин Кьагьрумановли, дявила гражданский кабизла призывла пунктла отделениела начальник МяхIяммад Пашаевли, дявила комиссарла бекIлириубси кумекчи Хадижат Хажаевани, илкьяйдали районна декIар-декIарти кабизунала ва ведомствобала руководительтани. Жагьилти гьуниббатес бакIилри илдала гъамти, юлдашуни, дергъла ва бузерила ветеранти.
Балбуц ибхьули, Хайдакьла ва Дахадаевла районтала шайчибси ДР-ла дявила комиссар ГIумар СягIидовли цIакьбарили буриб, РФ-ла Ярагъладиубти ЦIакьанала къяяназиб къуллукъбарни – гьарил гражданинна хIурматла чебла саби или. «Ну­шала гIярмия ишбархIи гьабкьяси техникаличил ярагълабиубли саби. ГIярмияла пагь­му­чебти, секIал балути ва гъабзадеш лерти ВатIан балтахъантачи хIяжатдеш леб. Заманала къияндешуначи хIерхIеили, гIярмиялизиб къуллукъбирни мурталра мурул адамтачи лайикьси баркьуди саби. Илдазибад бахъалгъунти кавлули бирар Ярагъладарибти ЦIакьаназиб вягIда хIясибли къуллукъбирули. ГIярмия гъабзадешла ва патриотизмала школали бирусири ва гьаннара саби», — баянбариб илини.
«ГIебшнила призывлизиб ну­шани 20 адам бурхьулра гIяр­миялизи. Илдазибад 8 иш­бархIи къуллукъбарахъес багьандан дявила частанази аркьули саби. Вирхулра, хIушани ВатIа гьалабси чебла ункъли ихъниличи, дявила лерилра уставти, командиртала ва начальникунала хъарбаркьуни­ гъайагарли тамандирниличи, тя­­­хIяр-кьяйдаличи чекадизурти ва игитдеш лерти дургъанти де­тар­ни­личи», — буриб ГI.Ся­гIи­довли.
«Солдатли виъни – жагьил адамлис хIурматласи саби. Дус хъярхъли шалгIеббулхъан, ва хIуша, гьарли-марти мурул адамтили – чIуматили, цIакь­тили, гъабзадеш лертили чар­дулхъадая. ХIязлис ахIен, гIяр­миялис гIямрула школа или бикIути», — цIакьбарили буриб дергъла ва бузерила ветерантала Советла председатель З.Кьагьрумановли.
ГIур жагьилтас насихIятуни дуриб М.Пашаевли, Х.Хажае­вани, жагьилтала бегIтани ва цархIилтани.
Жавабла дугьбачил гъайухъун челябкьлализиб солдатли ветаруси Мурад БяхIмудовра. Илини чесиб хIялай ва гIягIниси тяхIярли къуллукъуни тамандарес. Ил бархIи Ярагъладарибти ЦIакьанала къяяназиб къул­лукъ­барахъес республикала сбор­ный пунктлизи гехIел адам бар­хьиб.

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru